JBL QUANTUM GUIDE PLAY
Njihuni me JBL Quantum Guide Play, një softuer i pari në llojin e tij që synon të bëjë lojërat e tipit FPS (First-Person Shooter) më gjithëpërfshirëse. Në thelb të JBL Quantum Guide Play qëndron përkushtimi i JBL për ti dhënë lojtarëve me probleme të shikimit mundësinë për të hyrë në një botë të re të lojërave video.
Pavarësisht popullaritetit të lojërave FPS, aksesi për komunitetin me probleme të shikimit mbetet një sfidë e madhe. Sipas Ablegamers, rreth 50 milionë individë me probleme të shikimit në mbarë botën dëshirojnë të përjetojnë përvoja lojërash që tradicionalisht kanë qenë të paarritshme për ta.
Si Funksionon JBL Quantum Guide Play?
JBL Quantum Guide Play ka qenë në zhvillim për më shumë se një vit. Softueri përdor algoritme të avancuara të inteligjencës artificiale dhe machine learning për të shndërruar objektet dhe strukturat brenda lojës në sinjale auditive, duke u mundësuar lojtarëve me probleme të shikimit të perceptojnë mjedisin virtual përmes tingullit. Mjeti përdor gjithashtu teknologjinë e avancuar të ndjekjes së kokës dhe Spatial Audio. Kjo ndihmon për të imituar ekolokacionin, duke përmirësuar përvojën e tyre të përgjithshme të lojës.
Përdorim i Lirë dhe i Hapur për të Gjithë
JBL Quantum Guide Play ofrohet si një mjet falas. Edhe pse përdorimi i kufjeve JBL Quantum përmirëson përvojën, ato nuk janë të nevojshme për të luajtur lojën. Softueri mund të shkarkohet lehtësisht dhe është krijuar për të punuar me çdo pajisje.
Një Arritje e Madhe për Aksesin në Lojëra
Kjo nismë shënon një moment historik të rëndësishëm për aksesin në lojëra, duke ofruar softuerin si një platformë me burim të hapur që mund të integrohet në lojëra të tjera. “Tani besoj se lojërat janë një mundësi e vërtetë për mua,” tha Sophie Soon, atlete paralimpike dhe lojtare me probleme të shikimit.
Me JBL Quantum Guide Play, JBL synon të krijojë një komunitet gjithëpërfshirës lojërash ku të gjithë mund të marrin pjesë dhe të kenë sukses. Është shumë e këndshme të ndihesh pjesë e një loje multiplayer si kjo,” tha Josh Tseng, Digital Specialist dhe lojtar me probleme të shikimit.
JBL rekomandon që individët me 0% shikim të kërkojnë ndihmë për vendosjen dhe përdorimin e programit për herë të parë.
